Fılıppınde áskerıler brıtandyq pen onyń jubaıyn sodyrlar tutqynynan bosatty
NUR-SULTAN. QazAqparat – Fılıppın áskeri arnaıy maqsattaǵy áskeriniń sarbazdary «Abý Saııaf» tobynyń sodyrlarymen qaqtyǵysý nátıjesinde bir aı buryn urlanǵan brıtandyq azamat pen onyń jubaıyn bosatty. Bul týraly búgin, dúısenbide Inquirer gazeti habarlady.
«Olardyń densaýlyǵyna eshqandaı qaýip tónip turǵan joq», - dedi Batys Mındanao áskerı okrýgy qolbasshylyǵynyń ókili. Sondaı-aq, ol tutqyndaǵylardyń Fılıppınniń ońtústik-batysynda Sýlý provıntsııasynda úsh kún boıy júrgizilgen operatsııasynyń nátıjesinde bosatylǵanyn atap ótti. Onyń barysynda «Abý Saııaf» jeti sodyrynyń kózi joıylǵan jáne taǵy jeti adam jaraqat alǵan.
Brıtan azamaty Allan Haırons pen onyń jubaıy 4 qazanda Mındanao aralynda Ońtústik Zamboanga provıntsııasynda urlanǵan.
