Fılıppınde 80-nen astam adam «Pablo» daýylynyń qurbany boldy
ASTANA. 5 jeltoqsan. QazAqparat - Fılıppınde 80-nen astam adam «Pablo» daýylynyń qurbany boldy, jaraqattanǵandardyń sany 100-den asty, dep habarlady Reseı jańalyqtar agenttigi.
Bof halyqaralyq klassıfıkatsııasy boıynsha, Pablo daýyly eldegi iri Mındanao aralynyń jaǵalaýyna 4 jeltoqsan kúni quıyndaı tústi. Ol sońǵy 20 jyl ishinde Fılıppınniń ońtústigindegi eń kúshti daýyldardyń biri boldy.
Alapat daýyl 56 myń adamdy óz úılerin tastap ketýge májbúrledi. Jeldiń jyldamdyǵy saǵatyna 200 shaqyrymdy quraıdy. Daýyl ondaǵan ǵımaratty qıratty, elektr qosynynyń júılerin zaqymdady, áýe, temirjol jáne paromdy kólikterdiń qozǵalysyn toqtatty.
