Fılıppınde 6,2 baldyq jer silkinisi boldy
NUR-SULTAN. QazAqparat – Fılıppınniń ońtústiginde kúshi 6,2 baldyq jer silkinisi boldy, dep habarlaıdy QazAqparat Eýropa-Jerorta teńizi seısmologııalyq ortalyǵynyń resmı saıtyna silteme jasap.
Zilzala oshaǵy Davao Del Sýr provıntsııasynda tirkeldi. Seısmologtardyń málimetinshe, jerasty dúmpýi jergilikti ýaqytpen 04:30 shamasynda baıqalǵan.
«Zilzala oshaǵy 30 shaqyrym tereńdikte ornalasqan», - dep atap ótti mamandar.
Keıingi 24 saǵat ishinde Mındorodan 300 shaqyrym aımaqta taǵy bir jer silkinisi tirkeldi. Qıraǵan ǵımarattar men zardap shekkender týraly málimet ázirge joq.
