Fılıppınde 6,0 baldyq jer silkinisi boldy

MANILA. SINHÝA – QazAqparat - Beısenbi kúni tańerteń Fılıppınde magnıtýdasy 6,0 bolatyn jer silkinisi boldy. Bul týraly Fılıppınniń výlkanologııa jáne seısmologııa ınstıtýty málimet taratty, dep habarlaıdy QazAqparat Sınhýa agenttigine silteme jasap.

Jerasty dúmpýleri jergilikti ýaqyt boıynsha 02:10-da tirkelgen, oshaǵy Lýson aralyndaǵy Masbate provıntsııasynyń Batýan qalasynan ońtústik-batysqa qaraı 11 shaqyrymdaı jerde 10 km tereńdikte bolǵan.

Jerasty dúmpýleri Lýson men Fılıppınniń ortalyq bóliginde, sonyń ishinde Albaı provıntsııasyndaǵy Legaspı qalasynda, Sorsogon, Soltústik Samar, Batys Negros jáne Ońtústik Leıtede de sezildi.

Zardap shekkender týraly aqparat túsken joq.

AQSh geologııalyq qyzmeti jer silkinisiniń magnıtýdasy 6,1, tereńdigi 20 km dep baǵalady.

Foto: earninginmotion.com