Fılıppınde 5,8 magnıtýdaly jer silkinisi boldy

ASTANA. KAZINFORM — Fılıppınniń soltústigindegi Ilokos-Norte provıntsııasynda 5,8 magnıtýdaly jer silkinisi tirkeldi. Bul týraly Anadoly habarlady.

Fılıppınniń Výlkanologııa jáne seısmologııa ınstıtýtynyń habarlaýynsha, jerasty dúmpýleri jergilikti ýaqytpen shamamen 10:30–da bolǵan.

Epıtsentri Pasýkın mýnıtsıpalıtetinen soltústik-batysqa qaraı 29 shaqyrym qashyqtyqta ornalasqan. Jer silkinisiniń oshaǵy 27 shaqyrym tereńdikte.

Qaza tapqandar nemese zardap shekkender týraly ázirge aqparat joq.

Jer silkinisi kórshiles Kagaıan, Iloko-Sýr, Isabela jáne Abra provıntsııalarynda da sezilgen.

Jerasty dúmpýlerinen keıin tsýnamı týraly eskertý jarııalanǵan joq.

Fılıppın Tynyq muhıtynyń «otty beldeýinde» ornalasqan, bul — álemdegi seısmıkalyq turǵyda eń belsendi aımaqtardyń biri. Sondyqtan munda mundaı tabıǵı qubylystar jıi bolyp turady.

Aıta keteıik, buǵan deıin qazaqstandyq seısmologtar Ózbekstandaǵy jer silkinisin tirkegenin jazdyq.