Fılıppınde 30 adamdy kepilge alǵan kúzetshi óz erkimen berildi
MANILA. QazAqparat – Fılıppın astanasyndaǵy saýda ortalyǵynda bir adamdy atyp, taǵy 30-yn kepilge alǵan qaskóı dúısenbi kúni keshkisin bılikke óz erkimen berildi, dep habarlaıdy QazAqparat Chinadaily-ge silteme jasap.
Er adam saýda ortalyǵynan ózi shyqpas buryn barlyq tutqyndardy bosatqan.
Eske salaıyq, jumystan shyǵarylǵan kúzetshi dúısenbi kúni tańerteń saýda ortalyqtarynyń birinde adamdarǵa oq atyp, 30-ǵa jýyq qyzmetkerditutqynǵa alǵan bolatyn.
Qala meri Frensıs Zamora kúdikti pıstoletpen qarýlanǵanyn málim etti. Ol saýda ortalyǵyndaǵy adamdardyń birine oq atqan. Zardap shegýshi taıaý mańdaǵy aýrýhanaǵa jetkizildi.
F.Zamora polıtseılerdiń qaskúnemmen sóılesýge tyrysqanyn habarlady.
«Ol ózin jumystan bosatqany úshin ashýly boldy», - dedi Zamora jýrnalısterge. Basqa da kúzetshilerdi ózine qosylýǵa úgittemek bolǵan. Alaıda, degenine jete almaǵan. Sondaı-aq, ol qolynda tapanshadan bólek, granata bolǵanyn aıtqan. Degenmen, polıtsııa bul faktini rastaǵan joq.
