Fılıppın jerine alapat kúshti daýyl saǵatyna 250 km jyldamdyqpen tónip keledi
ASTANA. QazAqparat - Fılıppınniń Lýson araldar arhıpelagynda "Koppý" taıfýny «lań salyp» jatyr. Onyń jyldamdyǵy 250 km/saǵ-ty quraıdy.
1 adam qaza taýyp, 15 myń jergilikti turǵyn qaýipsiz jerge kóshirilgeni týraly aqparat bar. Birneshe adam iz-túzsiz joǵalǵan. Tańerteńnen beri jeldiń kúshi birshama azaıǵan, - dep habarlaıdy Bı-bı-sı.
Sınoptıkterdiń boljaýynsha, aldaǵy eki-úsh kún ishinde Fılıppınde nóser jańbyr jaýady, túsken jaýyn-shashynnyń qalyńdyǵy 1 metrden asady dep boljanyp otyr. Osynyń saldarynan kóshkin júrý qaýpi artpaq.
