Fılıppın túrmesine shabýyl: 130-dan astam qylmysker qashyp ketti
ASTANA. QazAqparat - Sársenbi kúni belgisiz qarýly toptyń Fılıppın ońtústigindegi Kotabato provıntsııasynyń túrmesine shabýyly kezinde eń kemi 132 qylmysker qashyp ketti, aldyn ala boljam boıynsha, qashqyndardyń barlyǵy derlik ıslamshylar. Bul týraly Sınhýa agenttigi túrme qyzmetkerine silteme jasap habarlaıdy.
Túrme qyzmetkeriniń málimdeýinshe, shabýyl jasaǵandar kúzetke qarsy oq atqan, saldarynan penıtentsıarlyq mekemeniń bir qyzmetkeri jaralanyp, taǵy bireýi kóz jumdy. «Shabýyl aldan ala jiti oılastyrylǵan, qashqyndar jerge túsý úshin jaımany qoldanǵan. Qazir qashqyndardy izdestirý operatsııasy júrip jatyr», - dedi agenttikke túrme qyzmetkeri. Sonymen birge, ol asa qaýipti qylmyskerlerdi izdestirý amaldary júrip jatqandyǵyn atap ótti. Shabýylǵa deıin túrmede 1511 adam jazasyn ótegen.
