Fılıppın: Sodyrlar Sýlý ólkesiniń 16 turǵynyn óltirdi
ASTANA. QazAqparat - Fılıppınniń ońtústiginde musylmandar mingen jolaýshylar avtobýsyna sodyrlar shabýyl jasady. Shabýyl saldarynan keminde 16 adam qaza tapty, dep habarlady sheteldik BAQ.
Fılıppın áskerıleri bul qylmysqa «Ál-Kaıdamen» baılanysy bolýy múmkin «Abý Saııaf» ıslamshyl tobynyń sodyrlarynyń qatysy bar ekendigin aıtýda.
Shamamen 40 adamnan turatyn sodyrlar otrıady Sýlý ólkesiniń turǵyndaryn Oraza aıt merekesin toılaýǵa apara jatqan 2 avtobýsqa avtomattan oqý jaýdyrǵan. Fıllıpın bıliginiń aqparatyna qaraǵanda, ólgender arasynda «Abý Saııaf» sodyrlarmen kúreste áskerge turaqty kómek kórsetken 4 jasaqshy da bar.
