Fılıppın saýda ortalyǵynda 30-ǵa jýyq adam tutqynǵa alyndy
SAN HÝAN. QazAqparat – Fılıppın eliniń San Hýan qalasyndaǵy Greenhills saýda ortalyǵynda atys bolyp, kelýshiler evakýatsııalandy. Bul týraly The Manila Times basylymyna silteme jasap QazAqparat habarlaıdy.
Konsaltıngilik fırmanyń málimdeýinshe, saýda ortalyǵynda buǵan deıin kúzetshi bolyp jumys istegen er adam 27 qyzmetkerdi tutqynǵa alǵan.
Oqıǵa ornyna polıtsııa qyzmetkerleri, arnaıy jasaq, sondaı-aq San-Hýan qalasynyń meri Frensıs Zamora jetti.
