Fılıppın Prezıdentine qastandyq jasaldy
ASTANA. QazAqparat - Fılıppın Prezıdenti Rodrıgo Dýterteniń kortejine shabýyl jasalyp, jeti oqqaǵary men eki áskerı qyzmetker zardap shekken, dep habarlaıdy Lenta.ru.
Fılıppın kóshbasshysy eldiń soltústigindegi áskerı bazaǵa barǵanynda aldyńǵy jasaqtyń shabýylǵa ushyrap, Prezıdent kúzetiniń qoldan jasalǵan bombadan zardap shekkenin atap ótti. Dýterte aldyńǵy baǵytty ózgertpesten, saparyn jalǵastyratynyn tilge tıek etti.
Qaýipsizdik qyzmetkerleriniń aıtýynsha, bul shabýyldy «Maýte» uıymnyń sodyrlary jasaǵan bolýy múmkin. Olar 28 qarashada Manıldaǵy Amerıka elshiliginiń aýmaǵyna bomba qoıǵan. Ol kezde Dýterte qastandyqty jergilikti lańkester «Islam memleketi» terrorıstik tobymen birigip jasaǵanyn málimdegen. Úkimettik kúsh eldiń ońtústiginde tórt táýlik boıy jaýyngerlermen atysýda. 28 qarashadaǵy derek boıynsha, 19 terrorıst óltirilgen.
Aıta keteıik, Fılıppın bıligi men lańkester arasyndaǵy qaqtyǵys birneshe jyldan beri jalǵasyp keledi, saldarynan 120 myń adam qaza tapqan.
