Fılıppın Prezıdenti qyzmetine Benıno Akıno ІІІ saılandy
ASTANA. Maýsymnyń 9-y. QazAqparat - Daýys berýdiń túpkilikti nátıjesine sáıkes Fılıppın Prezıdenti bolyp Benıno Akıno ІІ saılandy. Bul týraly Assoshıeıted Press agenttigine silteme jasap RBK habarlaıdy.
Sonymen B.Akıno eldiń 15-inshi prezıdenti boldy. Búginde el halqy odan eleýli ózgerister kútýde. Kópshiligi jańa basshysy eldegi sybaılas jemqorlyqty aýyzdyqtaıdy dep úmit etýde. Ol bul jóninde saılaýaldy naýqanda ýáde bergen bolatyn.
B.Akıno úshin 15 mln. saılaýshy daýys berdi (42 paıyz daýys), ol ózine taıaý básekelesi Djozef Estradadan 5,7 mln. daýysty kóp jınady. Eldiń vıtse-prezıdenti laýazymy Manılanyń ortalyǵyndaǵy Makatı qarjy okrýginiń basshysy Djejomarý Bınaıýǵa buıyrdy.
50 jastaǵy B.Akıno Fılıppındegi tanymal otbasynan shyqqan. Onyń ata-anasy - demokratııa úshin kúresken belgili saıasatkerler. Anasy - Korasan Akıno Fılıppın prezıdenti bolǵan, ótken jylǵy shildede qaıtys boldy, ákesi - senator Benıto Akınony 1987 jyly áskerı tóńkeris áreketi kezinde búlikshiler óltirdi.
