Fılıppın prezıdenti elde áskerı jaǵdaı engizýi múmkin ekendigin málimdedi
ASTANA. QazAqparat - Fılıppın prezıdenti Rodrıgo Dýterte eger esirtki saýdasy problemasy «sheshýi qıyn túıinge aınalsa», elde áskerı jaǵdaı engizý múmkin ekendigin málimdedi, dep habarlaıdy «Rossııskaıa gazeta».
«Eger esirtki saýdasy ózekti máselege aınalyp, qatty órbise áskerı jaǵdaı jarııalaımyn. Meni eshkim toqtata almaıdy», - dep málim etti kóshbasshy, eldiń ońtústigindegi Davao qalasynda saýda palatasynyń múshelerimen kezdesý barysynda.
Dýterte prezıdenttik qyzmetke taǵaıyndalǵanda elin barlyq qaýip-qaterden, sonyń ishinde esirtkiden qorǵaýǵa ant bergendigin atap ótti. Dýterteniń aıtýynsha, esirtkige eltý tórt mıllıon fılıppındiktiń problemasy bolyp otyr.
