Fılıppın prezıdenti 1,2 mln dollardyń kólikterin býldozermen taptatyp tastady
ASTANA. QazAqparat - Fılıppın prezıdenti Rodrıgo Dýterte jemqorlyqpen kúres maqsatynda elge zańsyz kirgizilgen ondaǵan lıýks sanatyndaǵy avtomobılderdi býldozermen taptatyp tastady, dep habarlaıdy Reuters.
Jalpy quny 1,2 mln dollardy quraıtyn barlyǵy 20 kólik joıylǵan, keıbireýiniń quny 100 myń dollardan asady.
Memleket basshysy jemqorlyq qylmyspen kúrestiń osyndaı jolyn tańdaǵan.
«Shenýnikter ondaı kólikke minbeýi kerek, mashınalardy metalǵa ótkizip, oıynshyq jasap shyǵaryńdar»,- degen málimdeme jasady Dýterte.
