Fılıppın polıtsııasy kepildegilerdi bosatý operatsııasy kezinde óreskel qatelik jibergenderin moıyndady
ASTANA. Tamyzdyń 25-i. QazAqparat - Fılıppın polıtsııasynyń basshylyǵy, Manılde basyp alǵan kepildegilerdi bosatý operatsııasy kezinde óreskel qatelikke jol berilgenin moıyndady, dep habarlaıdy Lenta.Rý.
«Operatsııaǵa daıyndalý jáne ony ótkizý barysyndaǵy kemshilikter kórinip tur», - dedi seısenbi, tamyzdyń 24-inde Manıla polıtsııasynyń basshysy Leokadıo Santıago (Leocadio Santiago), sondaı-aq, ol oryn alǵan barlyq jaǵdaılar jan-jaqty tekseriledi dep atap ótti.
Fılıppın ІІM basshysy: «Eger bizder jaqsy daıyndalǵan, jaqsy jaraqtanǵan bolsaq, onda kepilge alýdyń qandaı kúrdeli jaǵdaıynda da bizder ony anaǵurlym jyldam sheshken bolar edik», dep málimdedi.
Fılıppın quqyq qorǵaý organynyń kepildegilerdi bosatý kezindegi júrgizgen áreketin Gonkong jáne Qytaı úkimeti qatty synǵa aldy. Al, Fılıppın polıtsııasynyń basshylyǵy bolsa, kepildegilerdiń oqqa ushqandary belgili bolysymen, oqıǵany tikeleı efırden kórsetkeni úshin telearnany kinálady.
