Fılıppın musylmandary avtonomııa qurmaq
ASTANA. QazAqparat - Fılıppın prezıdenti Benıno Akıno ótken aptada osy eldegi az musylmandarǵa avtonomdy oblys qurý baǵytynda mańyzdy qadam jasady. Osyǵan baılanysty ázirlengen zań jobasy quramynda Moro ıslamı azat etý maıdanynyń (katolıkterdiń qarasy kóp Fılıppındegi musylmandardyń negizgi kóterilisshi toby) ókilderi bar arnaıy ótpeli komıtetinen kelip túsken bolatyn, dep habarlaıdy muslim.kz.
Atalmysh zań on myńdaǵan jannyń ómirin qıǵan on jylǵa sozylǵan kúresti beıbit jolmen retteıtin protsess aıasynda avtonomdy oblys qurý barysyn tezdetýge múmkindik beredi. Ótken aıdyń ózinde Moro ıslamı azat etý maıdany Azııadaǵy uzaqqa sozylǵan ári talaı jannyń ómirin jalmaǵan janjalǵa núkte qoıýǵa múmkindik beretin eleýli qujatqa qol qoıdy.
Dese de, hrıstıan saıasatkerleri bul zań jobasyna qarsylyq bildirip otyrǵanyn aıta ketý kerek. Al musylman jaqtaýshylary Fılıppınniń ońtústiginde táýelsiz ıslam memleketin qurý baǵytyndaǵy kúresti toqtatpaıtyndaryn málimdedi. Zań júzinde bekitilmese, avtonomdy oblystyń bolmaıtyny beseneden belgili. Alaıda, el prezıdenti osynaý shetin másele boıynsha kongreste kópshiliktiń qoldaýyna ıe bolatynyna taǵy kepildik joq.
