Fılıppın men Taıvanda «Ragas» taıfýny 10-nan astam adamnyń ómirin qıdy

ASTANA. KAZINFORM – «Ragas» sýper taıfýny saldarynan Taıvannyń shyǵysyndaǵy taýly jerdegi kól arnasynan shyqty. Keminde 14 adam qaza taýyp, 18-i jaraqat aldy, 100-den astamy iz-túzsiz joǵaldy, dep habarlaıdy VVS. 

Fılıppın men Taıvanda taıfýn nóser jaýyn, qatty jel ákelgen taıfýn myńdaǵan adamdy evakýatsııalaýǵa májbúr etti. «Ragasa» sonymen qatar Qytaıdyń ońtústigine, Gonkongqa, Makaoǵa jáne Vetnamnyń soltústigine qaýip tóndirip tur.

Habarlanǵandaı, seısenbi kúni Taıvannyń Hýalıan ýezinde kóshkinnen kóldegi bóget buzylyp, saldarynan jaqyn mańdaǵy Gýanfý qalasyna sý quıylyp, kópirdi qıratyp, eldi mekendi sý astynda qaldy, aǵashtar tamyrymen julyndy.

Jergilikti bılik ókili bastapqyda AFP agenttigine qutqarýshylar iz-túzsiz joǵalǵan 30 adamdy izdep jatqanyn habarlaǵan. Keıinirek Ulttyq órt sóndirý agenttigi 124 adamnyń iz-túzsiz joǵalǵanyn naqtylady.

«Ragasa» taıfýny saldarynan búkil Taıvanda myńdaǵan adam evakýatsııalandy.

Gonkong halyqaralyq áýejaıy seısenbiden beısenbige deıin reısterdi toqtatty. Jergilikti Cathay Pacific áýe kompanııasy 500-den astam reısti toqtatýǵa májbúr boldy.

Buǵan deıin Taıvanda «Danas» taıfýnynyń soqqysy saldarynan eki adam qaza taýyp, 500-den astamy jaraqat alǵanyn jazǵan edik. 

Eldiń aýyl sharýashylyǵyna 2,5 mlrd taıvan dollaryna (shamamen 85,5 mln AQSh dollary) jýyq zalal kelgen.