Fılıppın mektebinde taǵy da atys boldy
ASTANA. KAZINFORM — Fılıppınniń ońtústigindegi orta mektepterdiń birinde atys bolyp, eki oqýshy qaza tapty, onyń biri — oq atýshynyń ózi, dep habarlaıdy Reuters.
Polıtsııanyń aldyn ala esebine sáıkes, oq atýshy mektep aýmaǵyna tapansha men myltyq ákelip, synyptaǵy oqýshylarǵa oq jaýdyrǵan.
Keıinnen 9-synyp oqýshysy, ıaǵnı qarýly shabýyl jasaǵan jasóspirim óz-ózine qol jumsady. Polıtsııanyń málimetinshe, jábirlenýshi odan bir synyp joǵary oqyǵan.
Bul eki aıǵa jýyq ýaqyt ishinde elde qaıtalanyp turǵan ekinshi jaǵdaı.
Maýsym aıynda ǵana tapanshamen qarýlanǵan eki oqýshy Fılıppın ortalyǵyndaǵy orta mektepte oq jaýdyryp, úsh oqýshy qaza tapqan. Taǵy 20 oqýshy jaraqat aldy.
Fılıppınde mekteptegi atys sırek kezdesedi, sebebi elde qarý ıelený erejesi aıtarlyqtaı qatań. Máselen, bıografııalyq málimetterin qosa alǵanda, psıhologııalyq baǵalaý talaptary bar. Alaıda osyndaı oqıǵalar zańsyz qarý aınalymy bar ekenin kórsetedi.
Bul oqıǵa Taılandtaǵy atyshýly atystan keıin eki apta ótpeı qaıtalanyp otyr. Onda Bangkok mańyndaǵy mektepterdiń birinde oqýshy oq jaýdyryp, jeti adam qaza taýyp, 15 adam jaraqat alǵan edi. Bul elde 2022 jyldan bergi jappaı kisi ólimi bolǵan qandy oqıǵa retinde tirkeldi.
Buǵan deıin AQSh ýnıversıtetinde atys bolyp, bes adam jaraqat alǵanyn habarlaǵan edik.
