Fılıppın elinde tolassyz jaýǵan jaýynnan kelgen shyǵyn $52,6 mln qurady
ASTANA. QazAqparat - Tolassyz jaýǵan nóser jańbyr Fılıppın eliniń ekonomıkasyn 52,6 mln dollarǵa shyǵynǵa otyrǵyzdy. Bul týraly jergilikti buqaralyq aqparat quraldaryna silteme jasap Anadolý agenttigi habarlady.
Fılıppınniń tabıǵı apattardyń qaýpin azaıtý men táýekelderdi basqarý jónindegi ulttyq keńesiniń (NDRRMC) habarlaýynsha, nóser jaýyn eldiń ortalyǵy men Lýson aralyna erekshe kóp jaýǵan.
Nóser jaýyn saldarynan paıda bolǵan sý tasqyndary adamdardyń ómirine, naqtyraq aıtqanda keminde 2 mln adamnyń taǵdyryna keri áserin tıgizdi.
Nóser jaýynnyń yqpalymen bolǵan kóshkin men sý tasqyndarynyń saldarynan Manıla men Lýzon araldarynda ótken aptada 25 adam mert boldy.
Jyl saıyna Fılıppın elinde 20-qa jýyq taıfýndar men daýyldar soǵady.
