Fılıppın: «Bofa» daýyly qurbandarynyń sany 400-den asty
ASTANA. 7 jeltoqsan. QazAqparat - Aptanyń basynda Fılıppınniń ońtústik jaǵalaýyna tóngen «Bofa» daýylynyń saldarynan kem degende 420 adam kóz jumdy, dep habarlady Bı-Bı-Sı.
Kóshkinniń júrýinen qutqarýshylar Mındanao aralynyń keıbir aýdandaryna jete almaýyna baılanysty iz-túzsiz joǵalǵandardyń sany arta túsýde. Qazirgi ýaqytta olardyń sany 400-den asyp jyǵyldy. Qutqarýshylardyń sózine qaraǵanda, 250-ge jýyq adam úıleriniń qıraýyna baılanysty mektepterdi, sport zaldar men ózge de ǵımarattardy panalaýda.
Eń kóp zardap shekken mekenderdiń biri - syrtqy baılanystan ajyratylǵan Kompostela alqapy.
Juma kúni «Bofa» daýyly biraz álsirep, Ońtústik-Qytaı teńizine qaraı baǵyt aldy. Daýyl demalys kúnderi báseńdeı túsedi degen boljam jasalýda.
Meteorologtardyń boljaýynsha, Rojdestvo meıramyna deıin fılıppındikter kem degende taǵy bir daýyldy bastarynan ótkerýi múmkin.
