Fılıppın astanasynda bolǵan órt kezinde 7 adam qaza taýyp, 3 adam joǵalyp ketti
MANILA. SINЬHÝA - QazAqparat – Fılıppın astanasy Manılada jeksenbi kúni tań ata ekiqabatty ǵımarattan shyqqan órt saldarynan keminde 7 adam qaza tapty, dep habarlaıdy QazAqparat Qytaıdyń Sınhýa agenttigine silteme jasap.
Órt Manıla aglomeratsııasyna kiretin Mýntınlýpa qalasynda jergilikti ýaqytpen tańǵy saǵat 09:00-de tutanǵan. Órt 23 mınýttan soń sóndirildi.
Órttiń shyǵý sebebi boıynsha júrgizilgen aldyn ala tergeý qorytyndysyna sáıkes, úıde 10 múshesi bar otbasy turyp jatqan. Órt sóndirýshiler iz-túzsiz ketken 3 adamdy izdestirip jatyr. Olardyń órt kezinde ǵımaratta bolǵan-bolmaǵany belgisiz.
Qazirgi tańda tergeý amaldary júrip jatyr.
