Fılıppın araldaryndaǵy "Vashı" daýylynyń saldarynan qurban bolǵan adamdar sany ósti
ASTANA. 21 jeltoqsan. QazAqparat - Sońǵy málimetter boıynsha, Fılıppın araldaryndaǵy "Vashı" daýylynyń saldarynan 1002 adam qaza boldy. Bul týraly azamattyq qorǵanys basqarmasynyń jetekshisi Benıto Ramos habarlady.
650 adamnyń máıiti araldyń soltústik bóliginde jatqan Kagaıan-de-Oro qalasynyń aýdanynda tabylǵan, taǵy 283 adam Ilıgan qalasynyń qasynda qaza tapty. Qaza tapqan basqa adamdar týraly málimet basqa ońtústik jáne ortalyq aýdandardan kelip tústi.
17 jeltoqsannyń túninde fılıppındik toparaldyń ońtústik bóligi - Mındanao aralynda tropıkalyq daýyl bolyp, sý tasqyndary men nóserli selderge ákelip soqtyrdy. Tabıǵı apatqa baılanysty bılik 20 myńǵa jýyq adamdy bosqyndarǵa arnalǵan on ýaqytsha lagerine kóshirdi. Barlyǵy 100 myńǵa jýyq adam óz úılerin tastap ketýge májbúr boldy.
