Fılıppın araldarynda pırotehnıkadan 200 adam zardap shekti
ASTANA. 1 qańtar. QazAqparat - Fılıppın araldarynyń 200-ge jýyq turǵyny otshashýlar men basqa da pırotehnıkany qoldaný saldarynan jaraqat aldy, dep habarlaıdy Ýtro. rý.
Kem degende 197 adam otshashýlardan, al segizi - qańǵyma oqtan jaraqattandy, dep málimdedi mınıstrdiń densaýlyq saqtaý isteri boıynsha kómekshisi Enrıke Taııag. Onyń málimetteri boıynsha, jaraqat alǵan adamdardyń jartysynan kóbi - balalar. Sheneýnikter jaraqattanǵandardyń sany kóbeıýi múmkin dep qaýiptenedi, óıtkeni fılıppındyqtar jamandyq pen baqytsyzdyqty qýdyrý úshin Jańa jyldy merekeleý shýly dyrdýmen ótýi tıis degenge senedi.
