Fıladelfııada Muhammed Álıdi jeńgen boksshy qaıtys boldy
ASTANA. 8 qarasha. QazAqparat - Jaqynda ǵana boıynan baýyr isigi derti tabylǵan ataqty aýyr salmaqtaǵy amerıkalyq boksshy Djo Freızer (Joe Frazier) Fıladelfııada kóz jumdy, dep habarlaıdy Associated Press sportshy otbasynyń jasaǵan habarlamasyna silteme jasap.
67 jasar boksshynyń baýyr isigi dertine shaldyqqany jóninde tek 5 qarashada belgili bolǵan.
Djo Freızer Muhammed Álıdi tuńǵysh ret jeńe bilgen boksshy retinde tanymal. Jýrnalıster «Myńjyldyq jekpe-jegi» dep atap ketken bul kezdesý 1971 jyly Nıý-Iorkte ótken bolatyn.
Freızer kásibı mansabyn 1976 jyly aıaqtaıdy, alaıda 1981 jyly taǵy bir ret sharshy alańǵa shyqany esimizde.
Onyń esimi bokstyń eki birdeı Dańq zalyna jazylǵan.
