Fıladelfııa dindary pedofıldi búrkemelegeni úshin túrmege toǵytyldy
ASTANA. 26 shilde. QazAqparat - Amerıkandyq katolık dinbasy Ýılıam Lınn (William Lynn) áriptesiniń pedofıldik áreketterin jasyryp, onyń zańnan qutylýyna kómekteskeni úshin endigi 3-6 jylyn túrmede ótkizedi.
Bul týraly The New York Times jazady, dep habarlaıdy Lenta.rý .
61 jastaǵy Lınn 1992-2004 jyldar aralyǵynda Fıladelfııa eparhııasynyń basshylyǵy quramynda bolǵan. Bul qyzmetinde ol din qyzmetkerleriniń jasóspirimderge qarsy jynystyq qylmystaryn qadaǵalap, jazalaıtyn mindet atqarǵan. Soǵan qaramastan ol 1990 jyldary óziniń dosy ári áriptesi Edvard Eıverıdi (Edward Avery) jańa laýazymdy qyzmetke usynǵan. Ol sol kezdiń ózinde Eıverıdiń 2-3 jyl buryn jas balany zorlap tastaǵanyn bilgen. Eń qyzyǵy, Eıverıdiń jańa qyzmeti kishkentaı uldar oqıtyn dinı mekteptiń qasynda bolyp shyqty. 1999 jyly ol osy «múmkindigin» paıdalanyp, shirkeýde oqıtyn taǵy bir 10 jasar balany zorlaıdy.
Qazir Eıverı dinı sheninen aıyrylyp, túrmede jazasyn ótep jatyr (oǵan 2,5-ten 5 jyl berilgen).
Fıladelfııada 2011 jyldyń naýryz aıynda jasóspirimderge jynystyq álimjettik jasady degen aıyppen 21 katolıktik din qyzmetkeri dinı qyzmetten alastatylǵan.
