«Fight Rromotions» prezıdenti: Dáýren Eleýsinovke kásipqoı boksta qarqyn alý úshin kóp ýaqyt qajet emes
ASTANA. QazAqparat - Quramyna 28 jastaǵy qazaqstandyq boksshy Dáýren Eleýsinov kiretin «Fight Promotions» promoýterlik kompanııasynyń prezıdenti Maks Alperovıch AllFight.ru saıtyna bergen suhbatynda kompanııadaǵy boksshylar týraly oılarymen bólisti, dep jazady boxingnews.kz.
«Fight Promotions» kompanııasynyń quramynda TMD elderinen kóptegen boksshylar bar. Olardyń qatarynda Evgenıı Hıtrov, Sergeı Derevıanchenko, Ivan Golýb syndy boksshylardyń esimi belgili. Olardyń deńgeıin qalaı baǵalar edińiz? Olardy álemdik tıtýldarǵa talasar sátin qashan kóre alamyz?
«Bizdiń komandanyń quramynda siz ataǵan ýkraınalyq boksshylarmen qatar, belorýs Ivan Baranchık pen qazaq Dáýren Eleýsinov bar. Árıne, olarda áýesqoı boks mektebi ártúrli, endi kásipqoı boksta da ózderine tán stılde óner kórsetýde. Biraq olardyń barlyǵynda da chempıon atanýǵa qajetti qasıetter jetip artylady. Olaı bolmaǵanda, biz olardy komandaǵa almas edik. Hıtrov pen Derevıanchenkoda tájirıbe kóbirek, sondyqtan olar tıtýldyq kezdesýlerge jaqyn bolashaqta qatysa alady. Baranchık pen Eleýsinov kásipqoı boksqa endi ǵana keldi, alaıda olarǵa kásipqoı boksta qarqyn alý úshin kóp ýaqyt qajet te emes. Ásirese qazaqqa. Onyń áýesqoı boks mektebi óte jaqsy», - deıdi kompanııa basshysy.
