FIFA jyl fýtbolshysyn atady

NUR-SULTAN. QazAqparat – Halyqaralyq fýtbol federatsııasy («FIFA) onlaın-formatta ótip jatqan resmı ashylý rásiminde jyl qorytyndysyn shyǵardy. Erler fýtbolyndaǵy jyldyń úzdik oıynshysy bolyp Polsha quramasynyń shabýylshysy Robert Levandovskı atandy, dep habarlaıdy QazAqparat championat.com. saıtyna silteme jasap.

Ol osy júldege talasqan «ıÝventýs» shabýylshysy Krıshtıaný Ronaldý men «Barselona» shabýylshysy Lıonel Messıdi basyp ozdy.

Marapattaý rásiminiń onlaın formatyna qaramastan, FIFA prezıdenti Djannı Infantıno marapatty jeńimpazdyń qolyna tapsyrý úshin Mıýnhenge keldi.

Bul – 32 jastaǵy fýtbolshynyń alǵashqy marapaty. Al syılyqtyń budan burynǵy ıegeri Lıonel Messı edi.

2020 jyly Levandovskı «Bavarııa» quramynda chempıonatty jáne Germanııa kýbogyn jeńip alyp, ÝEFA chempıondar lıgasynyń jeńimpazy atandy. Robert Býndeslıganyń da, Chempıondar lıgasynyń da úzdik bombardıri boldy. FIFA marapaty frantsýzdyq France Football basylymy usynatyn «Altyn dop» syılyǵynan ózgeshe. 2020 jyly jýrnal eń jaqsy oıynshyny tańdamaýǵa sheshim qabyldaǵan edi.