FIFA WORLD CUP 2026 kollektsııalyq monetalary aınalysqa shyǵady
ASTANA. KAZINFORM — Qazaqstan Ulttyq banki «Sport» serııasynan FIFA WORLD CUP 2026 kollektsııalyq monetalaryn aınalysqa shyǵarady. Bul týraly Ulttyq bank habarlady.
Monetalardyń satýǵa qashan shyǵarylatyny týraly aqparat Ulttyq banktiń resmı saıtynda qosymsha beriledi.
— FIFA WORLD CUP 2026 kollektsııalyq monetasy ázirlengende nemistiń MDM Münzhandelsgesellschaft mbH & Co. KG Deutsche Münze (MDM) nýmızmatıkalyq kompanııasy seriktes boldy. Onyń 2026 jylǵy fýtboldan álem chempıonatyna arnalǵan kollektsııalyq monetalardy shyǵarýǵa FIFA bergen resmı lıtsenzııasy bar. Bul — fýtbol tarıhyndaǵy HHІІІ chempıonat jáne alǵash ret úsh elde qatar ótedi. Onyń ústine, aqtyq oıyndarǵa qatysatyn ulttyq quramalardyń sany 48-ge deıin ulǵaıtylyp otyr.
Moneta reversiniń joǵarǵy bóliginde fınaldyq oıyndardy qabyldaıtyn Kanada, AQSh jáne Meksıka elderiniń jalaýy beınelengen. Ortasynda jer shary kontınentteri men «FIFA WORLD CUP 26 TM» degen jazý bar. Tómengi bóliginde FIFA-nyń Álem kýbogy beınelengen. Al fýtbol doby keskindelgen kompozıtsııanyń eki jaǵynda fýtbolshylardyń beınesin kórýge bolady, — delingen bank habarlamasynda.
Moneta 925 synamaly kúmisten daıyndalǵan. Túrli tústi baspa tehnologııasy qoldanylǵan monetaǵa altyn jalatylǵan. Moneta massasy — 20 gramm, dıametri — 37 mm, daıyndaý sapasy — rroof, nomınaly — 1000 teńgelik, jalpy taralymy — 2000 (eki myń) dana. 1 500 danasy — Qazaqstannyń ishki naryǵyna, syrtqy naryqqa (jobanyń seriktesi — MDM nýmızmatıkalyq kompanııasy) — 500 dana taralady.
Monetalar eldiń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady.
Monetalar Qazaqstan teńge saraıynda daıyndaldy.
Aıta ketelik Ulttyq bank jańa kúmis monetalardy satýǵa shyǵaratyny týraly jazǵan edik.
