FIFA «Vostoktyń» jartylaı qorǵaýshysyn ómir boıyna fýtboldan shettetti
ASTANA. 15 qazan. QazAqparat - Óskemendik «Vostoktyń» jartylaı qorǵaýshysy Ramon Alfredo Sanchez Peredes aldyn ala kelisilgen matchtarǵa qatysqany úshin ómir boıyna jasyl alańnan shettetildi.
Bul týraly sports.kz habarlady.
FIFA Salvador quramasynyń 14 fýtbolshysyna qatysty úkimdi bekitti, olardyń arasynda shyǵysqazaqstandyqtardyń vıtse-kapıtany da bar.
Olar 2011 jyly KONKAKAF altyn kýbogy sheńberinde Meksıkaǵa 0:5 esebimen jáne 2010 jyly AQSh quramasyna 1:2 esebimen jeńilgen. Salvador fýtbol federatsııasynyń uıǵarymynsha, eki joly da fýtbolshylar qasaqana utylǵan.
