FIFA ulttyq quramalardyń jańa reıtıngin jarııalady
NUR-SULTAN. QazAqparat - FIFA fýtboldan ulttyq quramalar arasyndaǵy jańa reıtıngti jarııalady, dep habarlaıdy QazAqparat tilshisi.
Alaıda, ótken aıdaǵy reıtıngten asa ózgeris bolmaǵan. Sebebi, koronavırýs ınfektsııasyna baılanysty álemniń barlyq quramalary eshqandaı oıyn ótkizgen joq. Halyqaralyq deńgeıdegi kezdesýdiń barlyǵy keıinge shegerildi. Keıbiri múldem ótkizilmeıtin bolyp sheshildi.
Qazir Qazaqstan quramasy 118-orynda tur. Tizimniń kósh basynda Belgııa, Frantsııa, Brazılııa quramalary keledi.
Qazaqstandyq qurama 2020 jyldyń 3 qyrkúıegi men 17 qarashasy aralyǵynda UEFA Ulttar lıgasynyń S dıvızıonynda tórtinshi topta Albanııa, Belarýs jáne Lıtva quramalarymen kezdesý ótkizedi. FIFA reıtıngisinde Albanııa - 66, Belarýs - 87, Lıtva – 131-orynda.
Esterińizge sala ketelik, fýtboldan birinshi lıganyń oıyn kúntizbesi belgili bolǵanyn habarlaǵan edik.
