FIFA tergeýshilerge uıym prezıdentiniń kompıýterin berdi
ASTANA. QazAqparat - Halyqaralyq fýtbol federatsııasynyń (FIFA) ókilderi shveıtsarııalyq tergeýshilerge 2018 jáne 2022 jyldardaǵy álem chempıonatyn ótkizetin eldi tańdaýǵa qatysty aqparatty berdi, dep habarlady Bı-bı-sı.
Bı-bı-sı derekterine súıensek, tergeýshiler Tsıýrıhta FIFA shtab-páterindegi birqatar kompıýterlerdiń qatty dıskisin aldy. Onyń ishinde uıym prezıdenti Iozef Blatterdiń jumys kompıýteri de bar.
Qazirgi ýaqytta amerıkandyq jáne shveıtsarııalyq tergeýshiler FIFA-daǵy sybaılas jemqorlyq týraly isti qatar tergeýde. 14 adam aıyptalýda, onyń toǵyzy uıymda jumys istep jatqan qyzmetkerler.
Blatter aıyptylar qatarynda joq, alaıda oǵan qatysty tekserý júrgizilýde. Budan basqa, tergeý organdary 2010 jáne tıisinshe 2022 jyldary Reseı men Katar álem chempıonatyn ótkizý quqyǵyn zańdy utyp aldy ma, joq pa, sony tekserýge nıetti.
