FIFA sybaılas jemqorlyqtyń aýqymyn 10 mlrd. dollarǵa baǵalady
ASTANA. QazPAqparat - AQSh ádilet mınıstrligi sońǵy 20 jyldyń ishinde FIFA-nyń ártúrli sheneýnikteri para retinde jalpy kólemi 10 mlrd. dollarǵa jýyq aqsha aldy, dep sanaıdy. Bul týraly Bı-bı-sı habarlady.
AQSh bas prokýrory Loretta Lınchtiń aıtýynsha aıyptaý 47 tarmaqtan turady, onyń ishinde reket, alaıaqtyq jáne aqshany jylystatý bar.
Aıyptaý, atap aıtqanda 2010 jylǵy álem chempıonatyn qabyldaıtyn qojaıyn-el úshin daýys berýge qatysty, ol aqyry OAR-da ótken bolatyn. Kúdiktiler retinde is boıynsha FIFA sheneýnikteriniń eki urpaǵy ótýde, bas prokýrordyń aıtýynsha, olar AQSh-tyń qarjylyq júıesine zalal keltirdi jáne amerıkandyq zańdardy buzdy.
Budan buryn, Shveıtsarııa federaldyq polıtsııasy Tsıýrıhte FIFA-nyń alty sheneýnigin tutqynǵa alǵany belgili boldy, AQSh olardy ekstradatsııalaýdy talap etýde. Amerıkandyq tergeý organdary qozǵaǵan is boıynsha barlyǵy 14 adam ótýde.
Sonymen birge, taǵy da keminde on sport sheneýnigi, sonyń ishinde reseılik sport mınıstri Vıtalıı Mýtko jaýap alýǵa shaqyrylatyny habarlanǵan bolatyn. Mýtkonyń ózi ázirge shaqyrý almaǵanyn, biraq ta tergeýshilerdiń kez kelgen suraǵyna jaýap berýge ázir ekenin málimdedi.
Janjal FIFA-nyń jańa prezıdentin saılaýǵa birneshe kún qalǵanda burq ete tústi. Degenmen, kópshiligi otstavkaǵa ketýge úndegen federatsııanyń qazirgi basshysy Zepp Blatter janjalǵa qaramastan saılaýdaǵy basty tulǵalardyń biri bolyp qalyp otyr.
