FIFA Series: Qazaqstannan ózge óz tobynda 8 qurama jeńimpaz atandy
ASTANA. KAZINFORM - Fýtboldan FIFA Series halyqaralyq joldastyq týrnırler serııasynda barlyq jeńimpaz anyqtaldy.
Bul týrnır álemniń birneshe elinde ótkizildi. Týrnırdiń negizgi maqsaty - ulttyq quramalardyń oıyn tájirıbesin arttyryp, ártúrli fýtbol mektepteriniń bir-birimen básekege túsýine múmkindik berý.
FIFA Series aıasynda ár topqa túrli qurlyqtan tórt komandadan bólinedi. Árbir qurama eki match ótkizedi. Bul halyqaralyq kúntizbege artyq júkteme túsirmeı, sonymen birge sapaly oıyn tájirıbesin qamtamasyz etýge baǵyttalǵan.
Joba - álemniń ártúrli qurlyqtaryndaǵy quramalardy bir alańǵa jınap, ózara tájirıbe almasýǵa múmkindik beretin halyqaralyq jarys. Týrnırdiń basty ereksheligi – komandalardyń basqa konfederatsııa ókilderimen oınaýyna jaǵdaı jasaý.
FIFA Series alǵash ret 2024 jyly pılottyq formatta uıymdastyryldy. Sol tájirıbeden keıin joba tolyqqandy halyqaralyq týrnır retinde damytylyp, 2026 jyldan bastap keńeıtilgen formatta ótedi.
Fýtboldan Qazaqstan quramasy Astanada ótken FIFA Series týrnıriniń jeńimpazy atandy. Olar Namıbııa (2:0) jáne Komor araldary (1:0) quramalarynan basym tústi.
Alǵashqyda oǵan Qazaqstan, Namıbııa, Komor araldary jáne Kýveıt qatysady dep josparlanǵan edi. Endi Kýveıttiń bas tartýyna baılanysty oıyndardy aınalmaly júıe boıynsha ótkizýge sheshim qabyldandy.
Bizdiń quramadan bólek óz tobynda Ózbekstan, Ázerbaıjan, Aýstralııa, Fınlıandııa, Bolgarııa, Rýanda, Arýba jáne Pýerto-Rıko quramalary da jeńimpaz atandy.
Bıylǵy týrnır matchtary birneshe elde ótti. Olardyń qatarynda Qazaqstannan ózge Aýstralııa, Ázerbaıjan, Indonezııa, Qazaqstan, Jańa Zelandııa, Pýerto-Rıko, Rýanda jáne Ózbekstan qabyldaýshy elder retinde tańdaldy.
Osyǵan deıin fýtboldan Qazaqstan quramasy Astanada ótken FIFA Series týrnıriniń jeńimpazy atanǵany týraly jazǵan edik.
