FIFA Series: fýtboldan Qazaqstan quramasynyń naqty tizimi jarııalandy

ASTANA. KAZINFORM - Fýtboldan Qazaqstan quramasynyń bas bapkeri Talǵat Baısýfınov naýryz aıynda ótetin «FIFA Series-2026» týrnırine arnalǵan oıynshylardyń naqty tizimin jarııalady.

Bul jóninde Qazaqstan fýtbol federatsııasy málim etti.

Tizimge 26 fýtbolshy engizilgen.

Qazaqstan quramasynyń naqty tizimi:

Qaqpashylar: Temirlan Anarbekov («Qaırat»), Muhamedjan Seısen («Astana»), Bekhan Shaızada («Ordabasy»).

Qorǵaýshylar: Sergeı Malyı («Ordabasy»), Aleksandr Mrynskıı, Aleksandr Shırobokov, Erkin Tapalov (bári - «Qaırat»), Nuraly Álip («Zenıt», Reseı), ıAn Vorogovskıı, Álibek Qasym (ekeýi de - «Astana»), Arsen Áshirbek («Elimaı»), Meırambek Qalmyrza («Tobyl»), Ádilet Keńesbek, Saǵı Sovet (ekeýi de - «Qaısar»).

Jartylaı qorǵaýshylar: Ramazan Orazov («Elimaı»), Aıbol Ábiken («Qaısar»), Islambek Qýat («Jeńis»), Dinmuhamed Qaraman («Astana»).

Shabýylshylar: Dastan Sátpaev («Qaırat»), Ǵalymjan Kenjebek, Maksım Samorodov (ekeýi de - «Ahmat», Reseı), Islam Chesnokov («Harts», Shotlandııa), Jaslan Jumashev («Tobyl»), Ivan Svırıdov («Elimaı»), Artýr Shýshenachev («Aqtóbe»), Nurdáýlet Aǵzambaev («Qaısar»).

Aıta ketsek, halyqaralyq fýtbol federatsııasynyń (FIFA) ulttyq quramalarǵa arnalǵan jańa formattaǵy FIFA Series týrnıriniń Astanada ótetin oıyndarynda úsh qurama baq synaıdy.

Alǵashqyda oǵan Qazaqstan, Namıbııa, Komor araldary jáne Kýveıt qatysady dep josparlanǵan edi. Endi Kýveıttiń bas tartýyna baılanysty oıyndardy aınalmaly júıe boıynsha ótkizýge sheshim qabyldandy.

Aldymen qazaqstandyq fýtbolshylar 25 naýryzda Namıbııamen sheberlik baıqassa, 31 naýryzda Komor araldarymen jasyl alańǵa shyǵady.