FIFA Saılaý komıteti prezıdenttik saılaýǵa qatysatyn 5 úmitkerdi bekitti
ASTANA. QazAqparat - Halyqaralyq fýtbol federatsııasynyń saılaý komıteti 26 aqpan kúni kezekten tys kongreste ótetin uıym prezıdenti saılaýyna qatysýǵa ótkizilgen bes kandıdatty bekitti.
Bul týraly FIFA bas hatshysynyń mindetterin atqarýshy Markýs Kattnerdiń málimdemesinde aıtylady, dep habarlaıdy TASS.
FIFA prezıdentiniń saılaýyna Azııalyq fýtbol konfederatsııasynyń (AFK) basshysy sheıh Salman bın Ibragım ál-Halıfa, eýropalyq fýtbol qaýymdastyqtary Odaǵynyń (ÝEFA) bas hatshysy Djannı Infantıno, Iordanııa hanzadasy Álı bın ál-Hýseın, OAR-nyń turǵyn qurylysy boıynsha burynǵy mınıstri jáne Nelson Mandelanyń jaqtasy Tokıo Seksvale jáne FIFA bas hatshysynyń burynǵy orynbasary, frantsýz Jerom Shampan qatysady.
