FIFA sarapshylary Qazaqstandaǵy bapkerlik ortalyqtyń damýyna atsalyspaq
ASTANA. 26 qańtar. QazAqparat - FIFA sarapshylary otandyq bapkerlerdi oqytatyn Qazaqstan fýtbol federatsııasynyń tehnıkalyq ortalyǵyn damytýǵa atsalysady.
QFF baspasóz qyzmeti habarlaǵanyndaı, mundaı sheshim «Dostastyq Kýbogy» aıasynda qazaqstandyq federatsııa delegatsııasy men FIFA prezıdenti Zepp Blatterdiń kezdesýi barysynda qabyldanyp otyr.
Sonymen qatar ulttyq qaýymdastyqtar arasynda elder arasyndaǵy yqpaldastyqty damytý boıynsha kelisimderge qol qoıyldy. Atalmysh kelisimge QFF pen Reseı fýtbol federatsııasynan bólek, Belarýs, Ýkraına, Latvııa men Moldavııa qosyldy. Kelisimniń mátini ÝEFA-men kelisilgen.
«Fýtboldyń túrli salalarynda Germanııa, Italııa, Ispanııa, Grýzııa elderimen birlesken jobalar jasaldy. Búgingi memorandým aıasynda osy iske qosymsha 5 jańa seriktes kelip qosyldy», - deıdi QFF atqarýshy dırektory Oljas Abraev.
