FIFA reıtıngti qurý júıesin ózgertedi
ASTANA. QazAqparat - FIFA Ulttyq quramalardyń reıtıngin jasaý júıesine ózgerister engizedi, dep habarlaıdy «SPORTINFORM» SAA.
Bul týraly FIFA otyrysynan keıin málim boldy.
Keńes músheleri seısenbi kúni Máskeýde ótetin FIFA Kongresiniń qarsańynda bas qosty. Kún tártibindegi basty másele - ulttyq quramalar reıtınginiń eseptelýin ózgertý. FIFA atalmysh reıtıngtiń jańartylǵan nusqasyn aı saıyn jarııalap otyrady. Degenmen, ol komandalardyń naqty kúshin árkez kórsete bermeıdi. Álemniń myqty quramalary joldastyq matchtarynda jeńiske jetken jaǵdaıda da reıtıngtegi pozıtsııalaryn joǵaltady. Sebebi joldastyq matchtar resmı oıyndarǵa qaraǵanda anaǵurlym tómen koeffıtsıentpen esepteledi.
Qoldanystaǵy formýlanyń kemshilikteri álem chempıonattaryn qabyldaıtyn, biraq sońǵy eki jylda tek joldastyq matchtaryn ótkizgen ulttyq quramalardyń da reıtıngine keri áserin tıgizýde. Mysalǵa, reseılik qurama sońǵy jyldary reıtıngtegi oryndaryn joǵaltyp keledi. Al FIFA-nyń maýsym aıyndaǵy tiziminde 70-inshi orynǵa biraq syrǵydy.
