FIFA-nyń alǵashqy reıtıngisi: Qazaqstannyń fýtzal quramasy 4-orynda tur

ASTANA. KAZINFORM - FIFA fýtzaldan ulttyq quramalary arasyndaǵy alǵashqy reıtıngin jarııalady

Atalǵan reıtıngte Qazaqstan quramasy 8-orynǵa jaıǵasqan. Al ÝEFA reıtınginde bizdiń qurama 4-orynda tur.

Aıta ketsek, osy ýaqytqa deıin fýtzal álemdik reıtıngin Futsalplanet táýelsiz portaly jasaǵan bolatyn.

Reıtıngte Brazılııa, Portýgalııa, Ispanııa alǵashqy úshtikte tur.

Odan keıingi oryndarǵa Iran, Argentına, Marokko, Reseı jaıǵasqan.

Sáýir aıynda ulttyq qurama eki joldastyq kezdesýdiń birinde Ózbekstanǵa 5:6 esebimen ese jiberse, taǵy birinde 2:2 esebi tirkeldi.

Sondaı-aq, el quramasy joldastyq kezdesýde Qyrǵyzstandy 3:2 esebimen jeńdi.

Aıta ketsek, bıyl 14 qyrkúıek-6 qazan aralyǵynda Ózbekstanda ótetin álem chempıonatyna qatysady.

Toptyq kezeńniń jerebesi 26 mamyrda bolady.

Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.