FIFA reıtınginde Qazaqstan fýtbol quramasy tórt satyǵa tómendedi

ASTANA. KAZINFORM - Halyqaralyq fýtbol qaýymdastyǵy federatsııasy (FIFA) álemniń erler quramalarynyń jańa reıtıngin jarııalady.

Jańartylǵan reıtıngte Qazaqstan quramasy tórtinshi orynǵa tómen túsip, 118-orynǵa turaqtady. 

Qyrkúıek aıynda ulttyq qurama Ýels (0:1) pen Belgııaǵa (0:6) ese jiberdi.

Reıtıngte birinshi orynda Ispanııa quramasy keledi. Odan keıingi oryndarǵa Frantsııa men Argentına jaıǵasqan. 

Sondaı-aq, Anglııa, Portýgalııa, Brazılııa, Nıderland, Belgııa, Horvatııa, Italııa keledi. 

Qazaqstandyq fýtbolshylar synǵa túsetin J tobyndaǵy Ýels 30, Soltústik Makedonııa - 63, Lıhtenshteın - 204 orynda tur.

Otandastarymyz baq synap jatqan J tobynda 5 oıynnan keıin Týrnır kestesinde kósh basynda Soltústik Makedonııa 11 upaımen keledi. Al úshinshi Ýels 10 upaıdy enshilese, Qazaqstan quramasynda 3 upaı bar. Ázirge Lıhtenshteıniń qorjyny bos.

Endi bul toptaǵy oıyndar 10 qazanda ótkiziledi. Bul kúni Qazaqstan quramasy Lıhtenshteındi qabyldasa, Belgııa men Soltústik Makedonııa ózara sheberlik baıqasady.

Fýtboldan Qazaqstan quramasynyń bas bapkeri Alı Alıev óz erkimen qyzmetinen ketetinin málim etti.

Aıta ketsek, Belgııadan iri jeńilisten keıin Qazaqstan quramasynyń bas bapkeri Alı Alıev qyzmetinen ketetinin málimdedi.