FIFA reıtingisi: Qazaqstan quramasy 3 satyǵa joǵarylap, 129-orynda tur
ASTANA. 19 qazan. QazAqparat /Jasulan Amanbaıuly/ - Halyqaralyq fýtbol federatsııasy (FIFA) ulttyq quramalardyń kezekti reıtıngin jarııalady. Ol boıynsha Qazaqstan quramasy 3 satyǵa joǵarylap, 129-orynǵa kóterilgen.
Budan birneshe aılar burynǵy tizimde Qazaqstan quramasy 132-orynda bolatyn.
Al reıtıngtiń alǵashqy ondyǵynda Ispanııa, Gollandııa, Germanııa, Ýrýgvaı, Brazılııa, Italııa, Anglııa, Grekııa, Portýgalııa jáne birdeı upaı jınaǵan Argentına men Danııa quramalary ornalasqan.
Aıta keteıik, FIFA-nyń bul reıtıngi jarııalanǵanǵa deıin Qazaqstan quramasy «Eýro-2012» chempıonatynyń irikteý týrnırinde birneshe matchtar ótkizip, óz tobynda 4 upaı jınaǵan bolatyn.
