FIFA reıtıngi: Qazaqstan quramasy bes satyǵa joǵarylap, 132-orynda tur
ASTANA. 15 naýryz. QazAqparat - Fýtboldan Qazaqstan ulttyq quramasy aqpan aıynda FIFA reıtınginde bes orynǵa joǵarylady,
ıaǵnı 137-orynnan 132-orynǵa kóterildi. Bul týraly QR Fýtbol federatsııasynyń resmı saıty habarlap otyr.
Al reıtıngtiń alǵashqy ondyǵynda Ispanııa, Gollandııa, Germanııa, Argentına, Brazılııa, Anglııa, Ýrýgvaı, Horvatııa, Portýgalııa, Grekııa quramalary ornalasqan. Aldyńǵy aımen salystyrǵanda, tek Argentına men Brazılııa ǵana oryndaryn aýystyryp otyr.
"Eýro-2012" chempıonatynyń irikteý týrnıri aıasynda bizdiń komandanyń qarsylastary Túrkııa -32-orynda, Avstrııa - 61-orynda, Belgııa -62-orynda, Ázirbaıjan 100-orynda tur.
Aıta keteıik, FIFA-nyń bul reıtıngi jarııalanǵanǵa deıin Qazaqstan quramasy «Eýro-2012» chempıonatynyń irikteý týrnıri aıasynda tórt match ótkizip, sonyń barlyǵynda jeńilip qaldy. Bizdiń komanda óz alańynda Túrkııaǵa 0:3, Belgııaǵa 0:2, Germanııaǵa 0:3 esebimen ese jiberse, syrt alańda Avstrııadan 0:2 esebimen jeńildi.
