FIFA reıtıngi: Qazaqstan quramasy 126-shy orynda
ASTANA. Qyrkúıektiń 16-sy. QazAqparat /Ernur Aqanbaı/ - Halyqaralyq fýtbol federatsııasy (FIFA) ulttyq quramalardyń kezekti reıtıngin jarııalady.
Ol boıynsha Qazaqstan quramasy budan bir aı burynǵy kórsetkishinen bir satyǵa tómendep, 126-shy orynda tur. Qazaqstan Fýtbol federatsııasynyń málimetinshe, «Eýro-2012» chempıonatynyń irikteý týrnırinde Qazaqstan quramasymen birge «A» tobynda synǵa túsip jatqan Germanııa reıtıng boıynsha 3-shi, Túrkııa 21-shi, Avstrııa 61-shi, Belgııa 62-shi, Ázirbaıjan 102-shi oryndarda tur. Aıta keteıik, FIFA-nyń jańa reıtıngi jarııalanǵanǵa deıin Qazaqstan quramasy Eýro-2012» chempıonatynyń irikteý týrnıri aıasynda eki match ótkizip úlgerdi. Bizdiń komanda aldymen qyrkúıektiń 3-de Astanada Túrkııany qabyldap, 0:3 esebimen jeńilip qaldy. Sodan keıin qyrkúıektiń 8-de syrt alańda Avstrııamen kezdesip, 2:0 esebimen ese jiberdi. Endi jerlesterimiz irikteý týrnıri aıasyndaǵy úshinshi oıynyn qazannyń 8-de óz alańynda Belgııamen ótkizedi.
Jańa reıtıng boıynsha úzdik ondyqqa myna komandalar kirip otyr: 1. Ispanııa, 2. Gollandııa, 3. Germanııa, 4. Brazılııa, 5 Argentına. 6. Anglııa, 7. Ýrýgvaı, 8. Portýgalııa, 9. Mysyr, 10. Chılı.
