FIFA: Reseıdegi ÁCh-2018 on stadıonda ótýi múmkin
ASTANA. QazAqparat - 2018 jyly Reseıde fýtboldan álem chempıonaty matchtaryn qabyldaıtyn stadıondar sany 12-den 10-ǵa deıin qysqartylýy múmkin.
Bul týraly Halyqaralyq fýtbol qaýymdastyqtary federatsııasynyń prezıdenti (FIFA) Iozef Blatter málim etti, dep jazady VVS. Qazirgi ýaqytta 11 qalada 12 stadıon tizimde tur, ıaǵnı Máskeý, Kalınıngrad, Sankt-Peterbor, Volgograd, Qazan, Nıjnıı Novgorod, sondaı-aq Samara, Saran, Dondaǵy Rostov, Sochı jáne Ekaterınbor qalalary qamtyldy. Tek Máskeýde birinshilik oıyndaryn birden eki stadıon qabyldaıdy. Atap aıtqanda, matchtar «Lýjnıkı» stadıonynda jáne «Spartak» fýtbol klýbynyń jańa arenasynda uıymdastyrylady. Blatterdiń sózine qaraǵanda, stadıondardyń naqty sany «Reseı-2018» uıymdastyrý komıtetimen talqylanǵannan keıin, qyrkúıekte anyqtalady. Bıylǵy Brazılııadaǵy fýtboldan álem chempıonatynyń matchtary 12 stadıonda ótti.
