FIFA Prezıdentiniń jemqorlyq iske qatysy joq

BRıÝSSELЬ. QazAqparat - Halyqaralyq fýtbol federatsııasy (FIFA) fýtbol uıymynyń joǵary ókiletti basshylaryna qatysty tergeýdiń júrgizilýin qoldap otyr.

FIFA Prezıdentiniń jemqorlyq iske qatysy joq

Bul týraly sársenbi kúni uıymnyń shtab-páterinde ótken baspasóz konferentsııasynyń barysynda Halyqaralyq fýtbol federatsııasynyń (FIFA) Kommýnıkatsııalar jáne jurtshylyqpen baılanys boıynsha departamentiniń dırektory Valter De Gregorıo habarlady. «FIFA bul protsesti qoldap, Shveıtsarııanyń bas prokýrorymen tolyq kólemde qyzmettesip otyr. FIFA aqparatty usyný boıynsha barlyq suraqtarǵa jaýap berip otyr», - dedi De Gregorıo. Onyń aıtýynsha, FIFA ótken jyldyń sońynda 2018 jáne 2020 jyldary fýtbol boıynsha álem chempıonattaryn ótkizý quqyǵy beriletin elderdi belgileý týraly máseleni anyqtaý maqsatymen tergeýdi ózi bastaǵan. Halyqaralyq fýtbol federatsııasynyń (FIFA) Kommýnıkatsııalar jáne jurtshylyqpen baılanys boıynsha departamenti dırektorynyń habarlaýynsha, osy jaǵdaıda Halyqaralyq fýtbol federatsııasy zardap shekken tarap bolyp keledi jáne tergeýdiń ótkizilýin tolyq qoldaıdy. Valter De Gregorıo atalǵan iske FIFA prezıdenti Iozef Blatter men uıymnyń bas hatshysy Jer Valkeniń qatystylyǵy týraly oryn alǵan ósek-aıańdy joqqa shyǵardy. «Men osy jaǵdaıǵa baılanysty Twitter-gi habarlamalardy, baspasóz paraqshalary men túsiniktemelerdi kórdim. Aıtýǵa ruqsat etińizder - bas hatshy men prezıdenttiń bul protsedýraǵa esh qatysy joq», - dedi De Gregorıo.