FIFA prezıdenti Zepp Blatter aýrýhanaǵa tústi
ASTANA. QazAqparat - FIFA prezıdenti Zepp Blatterdiń ókili onyń aýrýhanaǵa túskenin jáne kelesi seısenbige deıin bolatynyn málim etti, dep habarlady Bı-bı-sı.
Budan buryn 79 jastaǵy Blatter júıe syrqatymen aýrýhanaǵa jatqyzylǵany týraly aqparat jarııalanǵan bolatyn. Onda habarlanǵandaı, sheneýniktiń sybaılas jemqorlyqqa qatysy bar ekeni týraly sońǵy aılardaǵy psıhologııalyq qysym buǵan sebep bolǵan tárizdi.
Shveıtsarııa prokýratýrasy Blatterge qatysty tergeý júrgizýde, onda ol Karıb fýtbol odaǵymen (KONKAKAF) 2005 jyly FIFA úshin kórineý tıimsiz kelisimshartqa qol qoıdy dep kúdiktelýde.
Sondaı-aq 2011 jyly Blatterdiń ÝEFA basshysy Platınıge toǵyz jyldan astam ýaqyt burynǵy jumysy úshin 2 mln. shveıtsar frankin tóleýi de prokýatýranyń kúdigin molaıtty. Platını 1999-2002 jyldary Blatterdiń keńesshisi bolyp jumys jasaǵan bolatyn.
Qazan aıynyń basynda FIFA-nyń etıka jónindegi komıteti Zepp Blatter men Mıshel Platınıdi qyzmetinen ýaqytsha shettetti. Zepp Blatterdiń ózi barlyq aıyptaýlardy joqqa shyǵarýda.
