FIFA prezıdenti Blatter bes jyldyq merzimge qaıta saılandy
ASTANA. QazAqparat - Halyqaralyq fýtbol federatsııasynyń (FIFA) prezıdenti Iozef Blatter birden-bir básekelesi Álı bın Ál-Hýseın saılaýdyń ekinshi týrynda kúresti jalǵastyrýdan bas tartqan soń bes jyldyq merzimge qaıta saılandy.
Uıymnyń Tsıýrıhtegi kongresinde 79 jastaǵy Blatter birinshi týrda 133 daýys, al onyń qarsylasy - 73 daýys jınady. Ekinshi týrda oǵan qarapaıym kópshilik daýys jınasa jetkilikti boldy.
Tarıhta alǵash ret FIFA basshysyn saılaý iri sybaılas jemqorlyq janjaly tolqynynda ótýde. Sársenbi kúni Tsıýrıhte FIFA-nyń joǵary laýzymdy sheneýnikteri sybaılas jemqorlyqqa aıyptalyp, tutqyndaldy, olardyń arasynda FIFA atqarý komıtetiniń vıtse-prezıdentteri Djeffrı Ýebb men Eýhenıo Fıgeredo, sondaı-aq Edýardo Lı, Hýlıo Roka, Kostas Takkas, Rafael Eskıvel, Hose Marııa Marın bar.
Taǵy birqatar sheneýnikterge aıyptaý jarııalandy, ol Soltústik jáne Ortalyq Amerıka jáne Karıb alaby elderi fýtbol konfereratsııasynyń eks-prezıdenti, buryn FIFA vıtse-prezıdenti bolǵan Djek Ýorner pen Nıkolıa Leos.
Áńgime FIFA-daǵy sońǵy eki onjyldyq boıyna jalǵasqan álem chempıonattary, marketıngilik jáne taratý ótinimderi tóńiregindegi keń aýqymdy sybaılas jemqorlyq jóninde bolyp otyr. Aıyptaý arasynda alaıaqtyq, reket jáne aqshany jylystatý qylmystary da bar. Sheneýnikter Tsıýrıhtegi qonaqúıde uıym prezıdentin kezekti saılaýdy kútip otyrǵan bolatyn. Shveıtsarııanyń Federaldyq ádilet departamenti men polıtsııasy sondaı-aq 2018 jáne 2022 jyldardaǵy álem chempıonattaryn ótkizetin elder - Reseı men Katardy tańdaýǵa baılanysty qylmystyq isti ashty, onda FIFA-nyń etıka jónindegi komıteti tergeý palatasynyń burynǵy basshysy Maıkl Garsııanyń esebi málimetteri belgili boldy. 2010 jyly Reseı men Katar tıisinshe 2018 jáne 2022 jyldardaǵy fýtboldan álem chempıonattaryn ótkizý quqyǵyna ıe bolǵan edi, dep jazady RIA Novostı.
