FIFA prezıdenti Blatter 90 kún qyzmetinen shettetiledi
ASTANA. QazAqparat - Halyqaralyq fýtbol federatsııasynyń (FIFA) Etıka boıynsha komıteti sársenbi kúni Tsıýrıh qalasynda jınalyp, federatsııa basshysy Iozef Blatterdi sybaılas jemqorlyqqa qatysty daý úshin 90 kún qyzmetinen shetteý týraly sheshim qabyldady, dep habarlady Izvestııa gazeti.
Basylymnyń jazýynsha, bul aqparatty brıtanııalyq Guardian gazetine Blatterdiń keńesshisi Klaýs Shtelker jetkizgen. Shveıtsarııa Bas prokýratýrasy 24 qyrkúıek kúni qyzmetin asyra paıdalandy, senip tapsyrylǵan múlikti zańsyz ıemdendi degen kúdikpen Blatterdiń ústinen qylmystyq is qozǵady. Maýsym aıynda 79 jastaǵy Blatter qyzmetinen ketetinin málimdegen. Jospar boıynsha, onyń ókiletti merzimi 2016 jyldyń aqpan aıy, ıaǵnı kezekti prezıdent saılaýyna deıin jetýi kerek bolǵan. Eske sala keteıik, bıylǵy jyldyń mamyr aıynda Tsıýrıhte Shveıtsarııa Bas prokýratýrasy men AQSh Federaldy barlaý bıýrosy agentteri FIFA-nyń atqarý komıtetiniń birqatar adamdaryn sybaılas jemqorlyqqa qatysty degen kúdikpen tutqyndaǵan bolatyn.
