FIFA penaltıdi oılap tapqan fýtbolshynyń beıitin qalpyna keltiredi
ASTANA. QazAqparat - Halyqaralyq fýtbol qaýymdastyqtary federatsııasy (FIFA) on bir metrlik aıyp soqqysyn oılap tapqan dep esepteletin ırland qaqpashysy Ýılıam Makkramnyń beıitin qalpyna keltirý shyǵyndaryn óz moınyna aldy, dep habarlady Lenta.rý.
Bul týraly Irland fýtbol qaýymdastyǵynyń Tvıtterdegi resmı mıkroblogynda habarlandy.
«Mılford» fýtbol klýbynda qaqpashy bolyp oınaǵan Makkram 1890 jyly óz qaqpasy mańynda oıyn buzǵan komandany jazalaý ádisin oılap tapty. Aıyp retinde ırlandtyq fýtbolshy penaltıdi - qaqpa syzyǵynan 11 metrden aıyp dobyn soǵýdy usyndy, ony oryndaý kezinde qaqpashy ǵana qorǵaıdy.
Penaltı fýtbol erejelerine 1891 jyly engizildi. Fýtboldaǵy oıyn boıynsha nusqaýdyń qazirgi nusqasynda 11 metrlik aıyp dobyn soǵý 14-shi erejemen retteledi. Penaltı oıynnan shyǵarýmen qatar qatań jaza retinde fýtbolda qazirgi kezde de qoldanylady.
Ýılıam Makkram 1932 jyly 21 jeltoqsanda dúnıeden ótti.
