FIFA óziniń bas hatshysy Jerom Valkeni jumystan shyǵardy
ASTANA. QazAqparat - Jerom Valke Halyqaralyq fýtbol federatsııasynyń bas hatshysy qyzmetinen bosatyldy, dep habarlandy uıym saıtynda.
Ótken aptada FIFA-nyń etıka boıynsha komıtettiń tergeý bólimi Valkeni fýtbol salasyndaǵy jumystan toǵyz jylǵa shettetý usynysyn jasady. 2015 jyldyń qyrkúıeginde ol 90 kúnge fýtbol qyzmetinen ýaqytsha shettetildi, 2016 jyldyń 6 qańtarynda bul merzim taǵy 45 kúnge uzartyldy.
Ótken jyldyń kúzinde FIFA Valkeniń Brazılııadaǵy fýtboldan álem chempıonatynyń bıletteri áldeqaıda qymbat baǵalarǵa satylýyna qatysy jaıly belgili boldy.
Sonymen qatar, AQSh bıligi 2008 jyly Valkege uıym shotynan 10 mln dollar aqshany FIFA-nyń burynǵy vıtse-prezıdenti Djek Ýornerdiń shotyna aýystyrdy degen aıyp taqty.
