FIFA: Ońtústik-Shyǵys Azııa elderinde taǵy bir úlken fýtbol týrnıri paıda bolady

ASTANA. KAZINFORM — FIFA prezıdenti Djannı Infantıno jeksenbi kúni Malaızııada ótken Ońtústik-Shyǵys Azııa memleketteri Qaýymdastyǵynyń 47-sammıtinde jańa fýtbol týrnıri – ASEAN Kýbogyn tanystyrdy, dep habarlaıdy Kyodo.

Ońtústik-Shyǵys Azııada burynnan beri ASEAN chempıonaty ótkizilip keledi — bul aımaqtyq jarys, ár eki jylda bir ret uıymdastyrylady. Bıyl qańtarda bul birinshilikte Vetnam sońǵy týrnırde jeńiske jetken. Biraq Infantıno jańa týrnırdi FIFA-nyń halyqaralyq matchtarynan tys ýaqytta ótkizý jospary bar ekenin aıtyp, bul fýtbolshylarǵa álemniń ártúrli lıgalarynan óz ulttyq quramalaryna qosylýǵa múmkindik beretinin málimdedi.

«ASEAN Kýbogy arqyly biz elderdi biriktiremiz, bul jarys úlken tabysqa jeteleıdi. Týrnır aımaqtaǵy ulttyq quramalardy damytýǵa úles qosyp, fýtboldyń damýyna serpin beredi», dedi Infantıno.

Djannı Infantıno bul málimdemesin Shyǵys Tımor resmı túrde ASEAN-nyń 11-shi múshesi bolyp qabyldanǵan soń birneshe saǵat ótkennen keıin jarııa etti.

«11 sany fýtbol áleminde sımvoldyq mánge ıe, sebebi ár komandada 11 oıynshy bolady», dedi Infantıno.

Eske sala ketsek, FIFA álem chempıonatyna qatysýshylardyń sanyn kóbeıtýdi kózdep otyr.